April 29, 2018

ഇത്തവണ ചെങ്ങന്നൂരില്‍ താമര വിരിയും .

ചെങ്ങന്നൂര്‍ ഉപതിരഞ്ഞെടുപ്പില്‍ എന്‍.ഡി.എ സ്ഥാനാര്‍ത്ഥി ആയി മത്സരിക്കുന്ന അഡ്വ:പി.എസ്.ശ്രീധരന്‍ പിള്ള വമ്പിച്ച ഭൂരിപക്ഷത്തില്‍ വിജയിക്കും എന്‍.ഡി.എ.യെ എതിര്‍ക്കുന്ന ഇടത്-വലത് മുന്നണികള്‍ പരാജയത്തിന്റെ കയ്പ്പുനീര്‍ കുടിക്കും. ഈ വിജയം സുനിശ്ചിതമാക്കാന്‍ മുഴുവന്‍ ഭാരവാഹികളും പ്രവര്‍ത്തകരും അക്ഷീണം പ്രവര്‍ത്തി ക്കണം.

Continue reading
April 27, 2018

കമ്മ്യൂണിസ്റ്റ് പാര്‍ട്ടികള്‍ പിരിച്ചുവിട്ട് കോണ്‍ഗ്രസ്സില്‍ ലയിക്കേണ്ട സമയം അതിക്രമിച്ചു.

കമ്മ്യൂണിസ്റ്റ് പാര്‍ട്ടികള്‍ പിരിച്ചുവിട്ട് കോണ്‍ഗ്രസ്സില്‍ ലയിക്കേണ്ട സമയം അതിക്രമിച്ചു. കോണ്‍ഗ്രസ്സില്‍ നിന്നും പിറവികൊണ്ടതാണ് ഇന്ത്യയിലെ കമ്മ്യൂണിസ്റ്റ് പാര്‍ട്ടികള്‍. സ്റ്റേറ്റ് കോണ്‍ഗ്രസ്സുകാരും കോണ്‍ഗ്രസ്സ് സോഷ്യലിസ്റ്റുകളുമാണ് ആ പാര്‍ട്ടിയുടെ സ്ഥാപക നേതാക്കള്‍. കോണ്‍ഗ്രസ്സിന്റെ എല്ലാ പ്രതിസന്ധികളിലും ഇടത് – വലത് ഭേദമന്യേ കമ്മ്യൂണിസ്റ്റുകാര്‍ സഹായഹസ്തവുമായി എത്താറുണ്ട്. സജ്ജീവ റെഡ്ഡിയും വി.വി. ഗിരിയും തമ്മില്‍ നടന്ന രാഷ്ട്രപതി തെരഞ്ഞെടുപ്പില്‍ നിജലിംഗപ്പ കോണ്‍ഗ്രസ്സിനെ പരാജയപ്പെടുത്താന്‍ ഇരു കമ്മ്യൂണിസ്റ്റ് പാര്‍ട്ടികളും ഇന്ദിരാഗാന്ധിയ്ക്ക് പിന്‍തുണ നല്‍കി വി.വി.ഗിരിയെ ജയിപ്പിച്ചു. അടിയന്തിരാവസ്ഥയുടെ ഇരുണ്ട ദിനങ്ങളില്‍ ഡാങ്കെ ചെയര്‍മാനായ ഇന്ത്യന്‍ കമ്മ്യൂണിസ്റ്റ് പാര്‍ട്ടി കോണ്‍ഗ്രസ്സിനെ പിന്‍തുണച്ചു. …

Continue reading
April 26, 2018

ആദ്ധ്യാത്മിക നഭോമണ്ഡലത്തിലെ ഉജ്ജ്വല നക്ഷത്രമായിരുന്നു ശുഭാനന്ദ ഗുരുദേവൻ.

ആദ്ധ്യാത്മിക നഭോമണ്ഡലത്തിലെ ഉജ്ജ്വല നക്ഷത്രമായിരുന്ന ശുഭാനന്ദ ഗുരുദേവന്റെ ജന്‍മദിനമാണ് ഇന്ന്. ഗുരുദേവന്റെ ആദ്ധ്യാത്മിക പ്രവര്‍ത്തനം കൊണ്ട് ധന്യമായ ചെറുകോല്‍ ശുഭാനന്ദാശ്രമത്തിലെ പൂരം ദിനത്തിലെ ജയന്തി ആഘോഷത്തില്‍ പങ്കെടുക്കുകയുണ്ടായി. ജാതിവിദ്വേഷവും ഉച്ചനീചത്വങ്ങളും മൂലം കലുഷിതമായ സാമൂഹ്യ വ്യവസ്ഥിതിയെ മാറ്റി മറിക്കാനും, സാമുഹ്യ നീതിക്കും സമത്വത്തിനും വേണ്ടിയുള്ള നവോത്ഥാന ശ്രമങ്ങളിലൂടെ സാമൂഹ്യപരിവര്‍ത്തനം കൈവരിക്കാനും ശുഭാനന്ദ ഗുരുദേവന് സാധിച്ചു. ആദ്ധ്യാത്മിക തത്ത്വങ്ങള്‍ വളരെ ലളിതമായ ഭാഷയില്‍ കീര്‍ത്തനങ്ങളിലൂടെ അദ്ദേഹം പ്രചരിപ്പിച്ചു. ജനങ്ങള്‍ക്ക് പ്രതീക്ഷയും ആത്മവിശ്വാസവും ആത്മാഭിമാനവും ഒപ്പം ആത്മബോധവും പകര്‍ന്നു. ആത്മബോധോദയ സംഘത്തിന്റെ പരമാചാര്യനും ശുഭാനന്ദാശ്രമം മഠാധിപതിയുമായ ശ്രീമദ് …

Continue reading
April 26, 2018

തോമസ് ഐസക് ശ്രമിക്കുന്നത് സ്വന്തം ഭരണ പരാജയം മൂടിവയ്ക്കാനാണ്.

ധനകാര്യകമ്മിഷനെതിരെ പ്രതിഷേധമുയർത്താൻ ധനമന്ത്രി തോമസ് ഐസക് ശ്രമിക്കുന്നത് സ്വന്തം ഭരണ പരാജയം മൂടിവയ്ക്കാനാണ്. കേരളത്തിന്റെ സാമ്പത്തിക സ്തംഭനാവസ്ഥയ്ക്ക് ഈയടുത്തൊന്നും പരിഹാരമുണ്ടാവില്ലെന്ന് സംസ്ഥാന ആസൂത്രണ ബോർഡ് പോലും പറഞ്ഞിട്ടുണ്ട്. പ്രതിവർഷം 36,000 കോടി രൂപ പലിശബാദ്ധ്യതയുള്ള സംസ്ഥാനമായി കേരളത്തെ മാറ്റിയതിന്റെ ഉത്തരവാദിത്വം രണ്ടുമുന്നണികൾക്കുമാണ്. ഇനി കടംവാങ്ങിയാൽ എവിടുന്നെടുത്ത് തിരിച്ചു കൊടുക്കുമെന്ന് സർക്കാർ പറയണം. സാമ്പത്തിക അച്ചടക്കം പാലിക്കാനായി കൊണ്ടുവന്ന ധനഉത്തരവാദിത്വ, ബജറ്റ് മാനേജ്മെന്റ് നിയമത്തിലെ വ്യവസ്ഥകൾക്കെതിരെ ഐസക് സംസാരിക്കുന്നത് സ്വന്തം പ്രവർത്തനവൈകല്യങ്ങളിൽ നിന്നൊളിച്ചോടാനാണ്. കാർഷിക, വ്യാവസായിക ഉല്പാദനം വർദ്ധിപ്പിച്ചും സേവന മേഖലയെ കൂടുതൽ കാര്യക്ഷമമാക്കിയും ആഭ്യന്തരോല്പാദനം …

Continue reading
April 26, 2018

കൈതക്കോട് അഗ്നിഷ്ടോമ സോമയാഗം.

കൊല്ലം കൈതക്കോട് ശ്രീ ഇണ്ടിളയപ്പൻ ക്ഷേത്രഭൂമിയിൽ നടക്കുന്ന അഗ്നിഷ്ടോമ സോമയാഗ സമാരംഭ ചടങ്ങിൽ പങ്കെടുത്തു. “ഇദം ന മമ:” എന്ന യജ്ഞ സന്ദേശത്തിലൂടെ എല്ലാം ലോക നന്മക്കായി എന്ന് പ്രഖ്യാപിച്ച ഇത്തരം യാഗങ്ങൾക്ക് പരമ പ്രാധാന്യ മുണ്ട്. ജനനന്മയും, ഐശ്വര്യവുമാണ് ഈ മഹദ് സംരഭത്തിന്റെ ലക്ഷൃം.പ്രകൃതിയിൽ നിന്നും മനുഷ്യൻ ഭിന്നനല്ലെന്ന മഹത്തായ സന്ദേശമാണ് ഈ യാഗം നല്കുന്നത്.

Continue reading
April 25, 2018

അധികാര രാഷ്ട്രീയമല്ല ആദര്‍ശ രാഷ്ട്രീയമാണ് മാരാര്‍ജി ഉയര്‍ത്തിപ്പിടിച്ചത്.

രാഷ്ട്രീയത്തില്‍ സമാനതകളില്ലാത്ത വ്യക്തിത്വത്തിന് ഉടമയായിരുന്നു കെ.ജി. മാരാർ.അധികാര രാഷ്ട്രീയമല്ല ആദര്‍ശ രാഷ്ട്രീയമാണ് മാരാര്‍ജി ഉയര്‍ത്തിപ്പിടിച്ചത്. പാര്‍ലമെന്ററി രാഷ്ട്രീയത്തില്‍ സ്ഥാനമാനങ്ങള്‍ക്ക് പിന്നാലെ പോകാന്‍ അദ്ദേഹം തയ്യാറായില്ല. മറിച്ച് ആര്‍എസ്എസ് നിര്‍ദ്ദേശപ്രകാരം സംഘടനയുടെ അടിത്തറ ശക്തമാക്കാനാണ് അദ്ദേഹം പ്രവര്‍ത്തിച്ചത്. ഓരോ പ്രവര്‍ത്തകനോടും സ്‌നേഹത്തില്‍ അധിഷ്ഠിതമായ അധികാരമായിരുന്നു അദ്ദേഹത്തിന്.സംശുദ്ധ രാഷ്ട്രീയ ജീവിതം നയിക്കാനാഗ്രഹിക്കുന്നവർ മാരാർജിയെ മാതൃകയാക്കണം. ഇതുവഴി കേരളത്തിലെ ലക്ഷക്കണക്കിന് സ്വയംസേവകരുടേയും ബിജെപി പ്രവര്‍ത്തകരുടേയും മനസ്സില്‍ അദ്ദേഹം ചിരപ്രതിഷ്ഠ നേടി. പ്രവര്‍ത്തനത്തില്‍ പ്രടചോദനം പകരാന്‍ അദ്ദേഹത്തിന്റെ ഓര്‍മ്മകള്‍ക്ക് ഇന്നും സാധിക്കുന്നുണ്ട്. പൊതുപ്രവർത്തകർ മാതൃകയാക്കേണ്ട ജീവിതമാണ് മാരാർജിയുടേത് .

Continue reading
April 22, 2018

പമ്പ പൈതൃകോത്സവത്തിന്റെസമാപന ചടങ്ങിന്റെ ഉദ്ഘാടനം.

പമ്പ പൈതൃകോത്സവത്തിന്റെസമാപന ചടങ്ങ് ആറന്മുളയിൽ വച്ചു ഉദ്‌ഘാടനം ചെയ്യുകയുണ്ടായി. കാർഷിക സംസ്കൃതിയുടെയും, സാംസ്കാരിക പൈതൃകത്തിന്റെയും അഭിമാനകരമായ സ്മരണകൾ അന്തിയുറങ്ങുന്ന പമ്പാ നദീതടത്തിൽ നാടൻ കലാപ്രകടനവും ചിത്ര രചനയും ,സംഗീത രാവുകളും കൊണ്ടു ധാന്യമായി. വരും തലമുറയ്ക്ക് സാംസ്കാരിക പൈതൃകത്തെ കുറിച്ചു അറിയാനും പഠിക്കാനും ഉള്ള ഒരു കേന്ദ്രം പമ്പാ തീരത്തു ഉണ്ടാകേണ്ടത് ആവശ്യമാണ്. ചടങ്ങിൽ തപസ്യ ജില്ലാ പ്രസിഡന്റ് വി. ശിവകുമാർ അധ്യക്ഷത വഹിച്ചു. ഡോ.അനിൽ വൈദ്യമംഗലം എഴുതിയ ‘പമ്പാ നദീതട നാഗരികത’ എന്ന പുസ്തകം പ്രകാശനം ചെയ്തു.

Continue reading
April 20, 2018

ഉജ്ജ്വൽ ദിൻ ഗ്യാസ് കണക്ഷൻ വിതരണം ചെയ്തു.

                പാവപ്പെട്ട സ്ത്രീകൾക്ക് ഗ്യാസ് കണക്ഷൻ സൗജന്യമായി നൽകുന്ന ബഹുമാനപ്പെട്ട പ്രധാനമന്ത്രി ശ്രീ നരേന്ദ്ര മോദിയുടെ ഉജ്വൽ യോജന അനുസരിച്ചു് രാജ്യത്തെങ്ങും നടന്ന വിവിധ ചടങ്ങുകളിൽ ആയിരക്കണക്കിനാളുകൾ പങ്കെടുത്തു. അടുക്കളയിൽ വിറകു കത്തിച്ചു പാചകം ചെയുന്നതിലൂടെ ആരോഗ്യം നശിക്കുകയും, മാരക രോഗങ്ങൾക്കു ഇരയായി തീരുകയും ചെയ്യുന്ന പാവപെട്ട കുടുംബിനികൾക്കു വേണ്ടിയാണു ഈപദ്ധതി പ്രധാനമന്ത്രി നടപ്പാക്കുന്നത്. അടുക്കള പുക ശ്വസിച്ചു രോഗബാധിതരായി മരണപ്പെടുന്നലോകത്തിലെ 15 ലക്ഷം പേരിൽ 5 ലക്ഷം പേർ ഇന്ത്യക്കാരാണെന്നാണ് ലോകാരോഗ്യ സംഘടനയുടെ …

Continue reading
April 17, 2018

അപ്രഖ്യാപിത ഹർത്താലിന്‍റെ മറവിൽ സംസ്ഥാനത്ത് അക്രമം അഴിച്ചു വിട്ടത് ദേശ ദ്രോഹ ശക്തികൾ

അപ്രഖ്യാപിത ഹർത്താലിന്‍റെ മറവിൽ സംസ്ഥാനത്ത് അക്രമം അഴിച്ചു വിട്ടത് ദേശ ദ്രോഹ ശക്തികളായിരുന്നു. ഇക്കാര്യം സംസ്ഥാന സർക്കാരിനും പൊലീസിനും അറിവുണ്ടായിരുന്നു. എന്നാൽ സർക്കാർ കയ്യുംകെട്ടി നോക്കി നിന്നതിന്‍റെ ഫലമാണ് സംസ്ഥാനത്ത് വ്യാപകമായി അക്രമം ഉണ്ടാകാൻ കാരണം. തിരൂർ, താനൂർ മേഖലകളിൽ അക്രമത്തിനിരയായ വീടുകളും കടകളും സന്ദര്‍ശിച്ചു. ഹർത്താലിന് രണ്ട്ദിവസം മുമ്പ് മുതൽ തയ്യാറെടുപ്പും മുന്നൊരുക്കങ്ങളും ആസൂത്രണവും നടന്നിരുന്നു. അക്രമ പ്രവർത്തനങ്ങളുടെ ഉറവിടം കണ്ടെത്തണം. പോലീസ് സേനയിൽ നുഴഞ്ഞു കയറിയിട്ടുള്ള ചില തീവ്രവാദികളും ഹർത്താൽ അനുകൂലികൾക്ക് സഹായകമായി നിലപാടാണ് സ്വീകരിച്ചത്. ഇത് പോലീസ് സേനക്കാകെ നാണക്കേടുo …

Continue reading
April 15, 2018

വിഷു ദിനത്തിൽ എല്ലാവർക്കും ഹൃദയം നിറഞ്ഞ ആശംസകൾ

കാർഷിക സമൃദ്ധിയുടെ ഐശ്വര്യ സമ്പൂർണമായ ഓർമ്മകൾ ഒരിക്കൽ കൂടി സമ്മാനിച്ചു കൊണ്ട് വിഷു ദിനം വരവായി. കുന്നും കാവും കുളവും പുഴയും നീർത്തടവും കൊണ്ട് പ്രകൃതി രമണീയമായ നമ്മുടെ നാട്ടിൽ ഫലമൂലാദികളും കൊന്നപ്പൂക്കളും ഒരുക്കി വീടുകളെല്ലാം വിഷുമഹോത്സവത്തെ സ്വാഗതം ചെയ്യുന്നു. പ്രകൃതിയുടെ വരദാനങ്ങളെ നെഞ്ചിലേറ്റുന്ന ഈ വിഷു ദിനത്തിൽ എല്ലാവർക്കും ഹൃദയം നിറഞ്ഞ ആശംസകൾ

Continue reading